බ්‍රසීලයේ හරක් ගොවිපළක්. ආර්ථිකය දියුණු වීමත් සමඟ ෆොසිල ඉන්ධන හා කෘෂිකර්මාන්තය ඉහළ යන බැවින් දෙකම එක මට්ටමේ ඇති බව එක්සත් ජාතීන්ගේ සංවිධානය පවසා සිටියි.
ඡායාරූපය: ඩැනියල් බෙල්ට්‍රා/ග්‍රීන්පීස්
සාගින්නෙන්, ඉන්ධන හිඟයෙන් හා දේශගුණ වෙනස්වීමේ දරුණුතම බලපෑම්වලින් ලෝකය බේරා ගැනීමට ලොව පුරා වීගන් ආහාර රටා අනුගමනය කිරීම ඉතා වැදගත් බව එක්සත් ජාතීන්ගේ සංවිධානය වාර්තා කර ඇත.
ලොව පුරා ජනගහනය 2050 වර්‍ෂය වන විට බිලියන 9.1ක් පමණ වීමත් සමඟ මස් හා කිරි නිෂ්පාදන අධික බටහිර ආහාර රටා පෘථිවියට දරා ගත නොහැකි බව එක්සත් ජාතීන්ගේ සංවිධානයේ පරිසර වැඩ සටහනේ (UNEP) තිරසාර සම්පත් කළමනාකරණ මණ්ඩලය විසින් නිකුත් කරන ලද වාර්තාවක් පවසයි.
"ජනගහනය වැඩිවීම හා සත්ව නිෂ්පාදන අනුභවය වැඩිවීමත් සමඟ කෘෂිකර්මාන්තය නිසා වන බලපෑම් දැඩි ලෙස ඉහළ යා හැකි" බව එය පවසයි. තවද, "මිනිසුන්ට ආහාර අවශ්‍ය බැවින් ෆොසිල් ඉන්ධන වගේ නොව, මෙයට විකල්ප සෙවීම අසීරු වේ. සත්ව නිෂ්පාදනවලින් තොර වන ලෙස ලොව පුරා ආහාර රටා වෙනස් නොකර බලපෑම් අඩු කිරීම කළ නොහැකි කාර්‍යයක් වේ."
"සත්ව නිෂ්පාදන නිසා වන විනාශය සිමෙන්ති, වැලි, ප්ලාස්ටික්, ලෝහ වැනි ඉදිකිරීම් ද්‍රව්‍යවලින් වන විනාශයට වඩා වැඩි" බව වාර්තාවේ ප්‍රධාන කර්තෘ වන මහාචාර්‍ය එඩ්ගර් හර්ට්විච් මහතා ප්‍රකාශ කරයි. තවද, "සතුන් සඳහා ජෛව ස්කන්ධය හා අස්වැන්න ෆොසිල් ඉන්ධන පුච්චනවා මෙන් විනාශකාරී වේ".
මෙම උපදේශය මීට කලින් වසරේ දේශගුණ වෙනස්වීමේ ආර්ථිකය පිළිබඳ කම්කරු ආණ්ඩුවේ පෙර උපදේශකයා වන නිකොලස් ස්ටර්න් සමිඳාණන්ගේ නිර්මාංශී ආහාර රටා ලොවට හිතකර යන උපදේශය අනුගමනය කරයි. එක්සත් ජාතීන්ගේ සංවිධානයේ දේශගුණ වෙනස්වීම් පිළිබඳ අන්තර්-රාජ්‍ය මණ්ඩලයේ (IPCC) සභාපතිවන ආචාර්‍ය රජේන්ද්‍ර පචවුරි මහතාද කාබන් පිටකිරීම් අඩු කිරීම සඳහා අඩුම තරමින් සතියට එක් දිනයක්වත් මස් අනුභවය නවත්වන ලෙස මිනිසුන්ගෙන් බලවත් ඉල්ලීමක් කර ඇත.
කෘෂිකර්මාන්තය, වැඩියෙන්ම මස් හා කිරි නිෂ්පාදන, ලොව මිරිදිය පරිභෝජනය 70%කට, මුළු ගොඩබිම භාවිතය 38%කට හා හරිතමය වායු 19%කට වගකිව යුතු බව එක්සත් ජාතීන්ගේ සංවිධානයේ ලෝක පරිසර දිනයේදී නිකුත් කරන ලද මෙම වාර්තාව පවසයි.
ජනගහනය ඉහළයාම වැඩියෙන්ම සිදුවන දියුණු වෙමින් පවතින රටවල් බටහිර ලෝකේ වැඩිවන පරිභෝජනය අනුගමනය නොකළ යුතු බව නෝවේහි විද්‍යාව හා තාක්‍ෂණය විශ්වවිද්‍යාලයේ කාර්මික පරිසර විද්‍යා වැඩසටහනේද අධ්‍යක්‍ෂ වන මහාචාර්‍ය හර්ට්විච් මහතා පවසන ලදී: "දියුණු වෙමින් පවතින රටවල් අපේ ආදර්ශය අනුගමනය නොකළ යුතුයි."
මූලය | Original article: UN Urges Global Move to Meat & Dairy-Free Diet (The Guardian)
